Gözləyin...
Bələdiyyə xəbərləri 22-11-2026 252

Ədliyyə işçilərinin peşə bayramı münasibətilə təbrik

22.11.2026-cı il

Ədliyyə sistemi dövlətçilik ənənələrinin möhkəmləndirilməsi, qanunun aliliyinin təmin olunması, hüquqi dövlət quruculuğunun inkişafı və vətəndaşların hüquq və azadlıqlarının qorunması istiqamətində mühüm vəzifələri yerinə yetirir.

Xüsusilə, bələdiyyələrin fəaliyyətinə inzibati nəzarətin həyata keçirilməsi ilə yanaşı, onlara metodoloji və praktiki dəstəyin göstərilməsi, yerli özünüidarəetmə orqanlarının fəaliyyətinin təkmilləşdirilməsi və qanunvericiliyin düzgün tətbiqinə kömək göstərilməsi Ədliyyə Nazirliyinin fəaliyyətinin mühüm istiqamətlərindəndir.

Ədliyyə Nazirliyinin bu sahədə həyata keçirdiyi ardıcıl tədbirlər, bələdiyyə üzvləri və qulluqçuları ilə qurulan səmərəli əməkdaşlıq, göstərilən hüquqi və metodoloji dəstək yerli özünüidarəetmə institutunun inkişafına, fəaliyyətində şəffaflığın və qanunçuluğun gücləndirilməsinə mühüm töhfə verir.

Bu əlamətdar gün münasibətilə bütün ədliyyə işçilərini, xüsusilə bələdiyyələrlə iş sahəsində çalışan əməkdaşları səmimi-qəlbdən təbrik edir, onlara məsuliyyətli və şərəfli fəaliyyətlərində uğurlar, möhkəm cansağlığı və yeni nailiyyətlər arzulayıram.

Əminəm ki, Ədliyyə Nazirliyi ilə bələdiyyələr arasında mövcud olan qarşılıqlı əməkdaşlıq bundan sonra da inkişaf edəcək, yerli özünüidarəetmə orqanlarının fəaliyyətinin təkmilləşdirilməsinə və vətəndaş məmnunluğunun artırılmasına xidmət edəcəkdir.

Ədliyyə işçilərinin peşə bayramı mübarək olsun!

Hörmətlə,

Elşad Vəliyev

Xətai Rayonu Xətai Bələdiyyəsinin sədri



Oxşar Xəbərlər

Bələdiyyə sədri

Vəliyev Elşad Vilayət oğlu
Xətai Rayonu Xətai Bələdiyyəsinin sədri


Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.
1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.
Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.
03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.
01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.
23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.
Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması,  xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.
Ailəlidir, bir övladı var. 

Son Xəbərlər