Bələdiyyə xəbərləri 29-07-2026 473

Xətai rayonunda güclü küləyin fəsadları operativ şəkildə aradan qaldırılıb

Xətai rayonu ərazisində müşahidə olunan kəskin hava şəraiti və güclü küləyin təsiri nəticəsində rayonun müxtəlif ərazilərində bir sıra iri gövdəli və quru ağacların aşması, eləcə də budaqların qırılması halları qeydə alınmışdır. Güclü küləyin yaratdığı bu vəziyyət piyadaların və nəqliyyat vasitələrinin hərəkətinə müəyyən çətinliklər yaratmaqla yanaşı, bəzi küçə və məhəllələrdə təhlükəsizlik baxımından operativ tədbirlərin görülməsini zəruri etmişdir.

Yaranmış vəziyyət nəzərə alınaraq, Xətai Rayon Bələdiyyəsi tərəfindən dərhal operativ tədbirlər həyata keçirilmiş, bələdiyyənin aidiyyəti əməkdaşları və texniki heyəti hadisə baş verən ərazilərə cəlb edilmişdir. Əraziyə baxış keçirilərək aşmış ağaclar və qırılmış iri budaqlar xüsusi texnikaların köməyi ilə yollardan, səkilərdən, həyətlərdən və ümumi istifadədə olan sahələrdən qısa müddət ərzində təmizlənmişdir.

Həyata keçirilən tədbirlər nəticəsində nəqliyyatın və piyadaların hərəkəti tam bərpa olunmuş, sakinlərin təhlükəsizliyinin təmin edilməsi istiqamətində zəruri işlər görülmüşdür. Eyni zamanda, təhlükə yarada biləcək vəziyyətdə olan ağaclar müəyyən edilərək onların budanması və təhlükəsizlik tədbirlərinin görülməsi istiqamətində müvafiq işlər davam etdirilmişdir.

Xətai Rayon Bələdiyyəsinin sədri Elşad Vəliyevin rəhbərliyi ilə qəbul edilmiş qərarlar əsasında bələdiyyə əməkdaşları gün ərzində rayonun müxtəlif ərazilərində fasiləsiz fəaliyyət göstərərək təbii hadisənin yaratdığı fəsadların minimum müddətdə aradan qaldırılmasına nail olmuşlar.

Bələdiyyə tərəfindən bildirilib ki, əhalinin təhlükəsizliyinin təmin olunması, abadlıq işlərinin davamlı təşkili və fövqəladə hallara operativ reaksiya göstərilməsi əsas fəaliyyət istiqamətlərindən biridir. Bu məqsədlə hava şəraitindən asılı olaraq rayon ərazisində mütəmadi monitorinqlər aparılır, risk yarada biləcək ağaclar və digər təhlükəli obyektlər nəzarətdə saxlanılır.

Xətai Rayon Bələdiyyəsi bundan sonra da rayon sakinlərinin təhlükəsizliyinin təmin edilməsi, abadlıq xidmət tədbirlərinin yüksək səviyyədə həyata keçirilməsi istiqamətində fəaliyyətini davam etdirəcək, yaranan hər bir fövqəladə vəziyyətə operativ və çevik şəkildə müdaxilə edəcəkdir. Bu istiqamətdə həyata keçirilən işlər dövlətin və ölkə Prezidenti cənab İlham Əliyevin vətəndaşların təhlükəsizliyi, rahatlığı və yaşayış mühitinin yaxşılaşdırılması sahəsində müəyyən etdiyi siyasətə uyğun olaraq davam etdirilir.

Xətai rayon Xətai Bələdiyyəsi

2026-09-14 23:06:20

Elşad Vəliyev:Gənclərimiz Azərbaycanın parlaq gələcəyinin və dövlət idarəçiliyinin əsas dayağıdır

227

Bələdiyyə xəbərləri

Ətraflı

2026-09-14 22:30:11

Xətai Bələdiyyəsindən rayonun yaşıllıq və gül örtüyünə növbəti töhfə

136

Bələdiyyə xəbərləri

Ətraflı

2026-09-10 13:40:37

Elşad Vəliyev: “Xətai bələdiyyəsi hər zaman şəhid və qazi ailələrinin məktəbyaşlı uşaqlarını diqqətdə saxlayır”

205

Bələdiyyə xəbərləri

Ətraflı

2026-09-06 11:51:30

Azərbaycan-Türkiyə Qardaşlığının Tarsus İmzası Xətai Rayonu Xətai Bələdiyyəsi ilə Tarsus Bələdiyyəsi arasında sönməyən dostluq

1328

Bələdiyyə xəbərləri

Ətraflı

2026-09-02 12:00:14

Xətai rayonunda genişmiqyaslı abadlıq və təmizlik işləri həyata keçirilib

186

Bələdiyyə xəbərləri

Ətraflı

2026-08-31 13:38:53

Şəhidlərimizin müqəddəs xatirəsi ehtiramla yad edildi

620

Bələdiyyə xəbərləri

Ətraflı