Xətai Bələdiyyəsi

Bələdiyyə xəbərləri 08-11-2026 231

Xətai rayonunda “8 Noyabr - Zəfər Günü” münasibətilə konsert proqramı və atəşfəşanlıq təşkil olunub

7 noyabr 2026-cı il tarixində Xətai rayonunda Heydər Əliyev adına istirahət parkının amfiteatr səhnəsində Rayon İcra Hakimiyyəti və YAP Xətai Rayon Təşkilatının birgə təşkilatçılığı ilə “8 Noyabr - Zəfər Günü”nə həsr olunmuş konsert proqramı və atəşfəşanlıq təşkil olunub.

Tədbirdə Xətai Rayon İcra Hakimiyyətinin başçısı Rafiq Quluyev, YAP Xətai Rayon Təşkilatının sədri Ramil Mirzəyev, Xətai Rayon Xətai Bələdiyyəsinin əməkdaşları, şəhid ailələrinin üzvləri, qazilər, ziyalılar və rayon sakinləri iştirak ediblər.

Tədbirə torpaqlarımızın bütövlüyü uğrunda canlarını fəda etmiş şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlanılıb.

Çıxışlarda qeyd olunub ki, Prezident, Silahlı Qüvvələrin Ali Baş Komandanı İlham Əliyevin böyük cəsarəti və əzmkarlığı sayəsində Vətən müharibəsində Azərbaycan Ordusu möhtəşəm Qələbə qazanıb. “8 Noyabr - Zəfər Günü” tariximizin ən parlaq səhifələrindən biridir. Bu möhtəşəm Qələbə Ali Baş Komandan İlham Əliyevin siyasi və hərbi iradəsi, igid Vətən övladlarımızın qəhrəmanlığı və xalqımızın birliyi nəticəsində əldə olunub. Bu gün üçrəngli bayrağımız vaxtilə işğal altında olmuş torpaqlarımızın hər qarışında dalğalanır.

Həmçinin, şəhidlərimizə Allahdan rəhmət, qazilərimizə cansağlığı dilənib, Prezident, Müzəffər Ali Baş Komandan İlham Əliyevə və Silahlı Qüvvələrimizin qəhrəman əsgər və zabitlərinə minnətdarlıq ifadə olunub.

Daha sonra tanınmış mədəniyyət və incəsənət nümayəndələrinin ifasında Vətənpərvərlik mövzusunda bir-birindən maraqlı musiqi nömrələri təqdim edilib. Tədbirin sonunda möhtəşəm atəşfəşanlıq təşkil olunub.

Yüksək vətənpərvərlik ruhu və böyük coşqu ilə keçən konsert proqramı rayon sakinləri tərəfindən böyük məmnunluqla qarşılanıb.

Oxşar Xəbərlər

2026-11-05 00:11:17

Xətai Bələdiyyəsində 8 Noyabr - Zəfər Gününə həsr olunmuş tədbir keçirilib

361

Bələdiyyə xəbərləri

Ətraflı

2026-11-04 23:51:35

Xətai Bələdiyyəsi Ramiz Quliyev 23 ünvanında abadlıq və yaşıllaşdırma işləri həyata keçirib

340

Bələdiyyə xəbərləri

Ətraflı

2026-11-02 23:36:36

Xətai Bələdiyyəsi “Zəfər Günü” münasibətilə keçirilən ağacəkmə aksiyasında fəal iştirak edib

178

Bələdiyyə xəbərləri

Ətraflı

2026-11-02 23:11:19

Vətən Müharibəsi şəhidi Eyvazov Əbülhəsən Balaş oğlunun məzarı rayon ictimaiyyəti tərəfindən ziyarət edilib

186

Bələdiyyə xəbərləri

Ətraflı

2026-11-02 23:06:25

Vətən Müharibəsi Qəhrəmanı Həsənov Ceyhun Aydın oğlu və şəhid Rzazadə Həsən Vüqar oğlunun məzarları rayon ictimaiyyəti tərəfindən ziyarət edilib

192

Bələdiyyə xəbərləri

Ətraflı

2026-10-27 11:58:24

Xətai rayonunda şəhid Xeyrulla İbrahimovun əziz xatirəsi ehtiramla yad edilib

315

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.